chaan dii sona ek taraf teraa hona ek taraf ek taraf teri aañkhen jaadu toona ek taraf

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

us..ko fursat nahin milti ki palat kar dekhe ham hi deewane hain deewane bane rahte hain

tumhaare KHvaab se har shab lipt ke sote hain sazaayein bhej do ham ne khataayein bheji hain

ik khwaab ne aañkhen kholi hain kya mod aaya hai kahaanii men vo bheeg rahi hai baarish men aur aag lagii hai paani men

ruke ruke se qadam ruk ke baar baar chale qaraar de ke tire dar se be-qaraar chale

chand ummeedein nichodhi theen to aahen tapkiin dil ko pighlaayein to ho saka hai saansen niklen

zindagi par bhi koi zor nahin dil ne har cheez paraai dii hai