kisi bhooke se mat poochho mohabbat kis ko kahte hain ki tum aanchal bichaoge vo dastar-khwaan samjhega

bhooke bacchon ki tasalli ke li.e maa ne phir paani pakaaya der tak

khilaaf-e-shart-e-ana tha vo KHvaab men bhi mile main neend neend ko tarsa magar nahin soya khilaaf-e-mausam-e-dil tha ki tham gaii baarish khilaaf-e-ghurbat-e-gham hai ki main nahin roya

tira khayal bahut der tak nahin rehta koi malaal bahut der tak nahin rehta udaas karti hai akshar tumhaari yaad mujhe magar ye haal bahut der tak nahin rehta

ghaneemat hai nagar waalon luteron se lute ho tum ha men to gaanv men akshar daroga loot jaata hai

vo chaand hai to aks bhi paani men aayega kirdaar KHud ubhar ke kahaanii men aayega

suraj hooñ zindagi kii ramq chhod jaaunga main doob bhi gaya to shafaq chhod jaaunga

mile mujhe bhi agar koii shaam fursat kii main kya hooñ kaun hooñ sochunga apne baare men

maara kisi ne sang to thokar lagii mujhe dekha to aasmaan tha zameeñ par pada hua

pichhle baras bhi boi theen lafzon ki khetiyan ab ke baras bhi is ke siva kuchh nahin kiya