tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii

muflisi thii aur ham the ghar ke iklaute charaaghh varna aisi raushni karte ki duniya dekhti

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

main samjha tha tum ho to kya aur maangu meri zindagi men meri aas tum ho ye duniya nahin hai mere paas to kya meraa ye bharam tha mere paas tum ho

bhoolbhulaiya tha un zulfon men lekin hamko us men apni raahen dikhti theen aapki aankhoñ ko dekha to ilm hua kyun arjun ko keval aañkhen dikhti theen

vo ik nadi jo kabhi tez-tez bahti thii vo aaj ret ke maidaan si bichi hui hai main ik darqat tha ashraf kisi zamaane men khizan ke kehar se ab thooth hi bachi hui hai

aah yuñ toota bharam sab kuchh khatm uns keena saad gham sab kuchh khatm

putaliyon men ghula samandar hai motiyon ki dukaan aañkhen hain aap tahqeeq hi nahin karte sab khazaano ki khaan aañkhen hain

koi dastaq hui dariche se titliyan ud gaiin bageeche se thodii sha'aistagi zaroori hai toot jaati hai dor kheeche se

udaasi rukh pe phir chhaane lagii hai tumhaari yaad phir aane lagii hai