tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kisi ko ghar se nikalte hi mil gaii manzil koi hamaari tarah umr bhar safar men raha

hosh waalon ko khabar kya be-khu dii kya cheez hai ishq kijeye phir samjhiye zindagi kya cheez hai

kyuuñ darein zindagi men kya hogaa kuchh na hogaa to tajurba hogaa

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ye kab kaha tha mujhe hamnava nahin dena magar haan phir se vahii be-vafa nahin dena main toot jaaun to aakar gale laga lena koi daleel koi mashwara nahin dena

tere ehsaas ko KHushboo banaate jo bas chaltaa tujhe urdu banaate yaqeenan is se to behtar hi hoti vo ik duniya jo main aur tu banaate

unki aañkhen jheel hain to kya karen doob jaayen kaam dhanda chhod den