toofaanon se aankh milaao sailaabon pe vaar karo mallaahon ka chakkar chhodo tair ke dariyaa paar karo

tu mohabbat se koi chaal to chal haar jaane ka hausla hai mujhe

chaand bhi hairaan dariyaa bhi pareshaani men hai aks kis ka hai ki itni raushni paani men hai

kaun dubhaayega dariyaa men hamko KHud par raam likhenge tar jaayenge

ab us jaanib se is kasrat se tohfe aa rahe hain ki ghar men ham nayi almaariyaan banwa rahe hain

mumkin ho aap se to bhula deejie mujhe patthar pe hooñ lakeer mita deejie mujhe

ye sochkar ki teri jabeen par na bal pade bas door hi se dekh liya aur chal pade dil men phir ik kasak sii uthi muddaton ke baad ik umr ke ruke hue aañsu nikal pade

tujh men kas-bal hai to duniya ko baha kar le ja chaai kii pyaali men toofaan uthaata kya hai

vaqiaa'a kuchh bhi ho sach kehne men ruswaai hai kyun na KHaamosh rahoon ahl-e-nazar kahlaaun

jalte hain ik charaaghh ki lau se kaii charaaghh duniya tire khayal se raushan hui to hai