koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

shaakhon se toot jaayen vo patte nahin hain ham aandhi se koi kah de ki auqaat men rahe

ye paheli azal se uljhi hai hai bura husn ya hai ishq bura

wagarana ishq se main to kiya karta tha nafrat kahaanii men zabardasti mujhe daala gaya hai

ye vajood-e-ishq tujh ko rab mitaana hi padega husn ke haathon vafaa hota hai rusva dekh har pal

umr saari laga do naap na paoge kabhi hai jo ye ishq meraa la-mutnaahi thehra

umr saari ishq men dii kaat apni isliye kuchh kar na paaya zindagi men