bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

humeen talash ke dete hain raasta sab ko humeen ko baa'd men rastaa dikhaaya jaata hai

bhounchaal men kafan ki zaroorat nahin padi har laash ne makaan ka malba pahan liya

talash ham ko kisi bhi badan ki hai hi nahin havas ki bhookh hamaare zehan ki hai hi nahin kisi se bichhde to koi fana nahin hota qaza ki baat to ab ke zaman ki hai hi nahin

hamaari laash ko yaaro zameen men dafn mat karna hamesha mehkegi turbat to turbat kaun samjhega

bas ab to daaman-e-dil chhod do bekar umeedo bahut dukh sah li.e maine bahut din jee liya maine

kis darja dilshikan the mohabbat ke haadse ham zindagi men phir koii armaan na kar sake

naala hooñ main bedaari-e-ehsaas ke haathon duniya mire afkaar ki duniya nahin hoti

dulhan banii hui hain raahen jashn manao saal-e-nau ke

maana ki is zameen ko na gulzaar kar sake kuchh khaar kam to kar ga.e guzre jidhar se ham