koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kisi gali men kiraye pe ghar liya usne phir us gali men gharo ke kiraye badhne lage

sochun to saari umr mohabbat men kat gaii dekhooñ to ek shaKHs bhi meraa nahin hua

shaakhon se toot jaayen vo patte nahin hain ham aandhi se koi kah de ki auqaat men rahe

mere pados men aise bhi log baste hain jo mujh men dhundh rahe hain buraiyaan apni

tum raah men chup-chaap khade ho to ga.e ho kis kis ko bataoge ki ghar kyun nahin jaate

usii ka shahar vahii muddai vahii munsif ha men yaqeen tha hamaara qusoor niklega

ik parinda abhii udaan men hai teer har shaKHs ki kamaan men hai

log jis haal men marne ki dua karte hain main ne us haal men jeene ki qasam khaai hai