kya galat-fahmi men rah jaane ka sadma kuchh nahin vo mujhe samjha to saka tha ki aisa kuchh nahin ishq se bach kar bhi banda kuchh nahin hota magar ye bhi sach hai ishq men bande ka bachta kuchh nahin

dil aisa ki seedhe ki.e joote bhi badon ke zid itni ki KHud taaj utha kar nahin pahna

hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

lad sako duniya se jazbon men vo shiddat chahiye ishq karne ke li.e itni to himmat chahiye kam se kam maine chhupa li dekh kar cigarette tumhein aur is ladke se tumko kitnii izzat chahiye

main baal baal bach gaya har baar ishq se sar ke bahut qareeb se patthar guzar ga.e

qaum ke gham men dinner khaate hain hukkaam ke saath ranj lider ko bahut hai magar aaraam ke saath

dil vo hai ki fariyaad se labreiz hai har vaqt ham vo hain ki kuchh munh se nikalne nahin dete

lipt bhi ja na ruk akbar ghazab ki beauty hai nahin nahin pe na ja ye haya ki duty hai

naaz kya is pe jo badla hai zamaane ne tumhein mard hain vo jo zamaane ko badal dete hain

ham aisi kul kitaaben qaabil-e-zabti samjhte hain ki jin ko padh ke ladke baap ko khabti samjhte hain