koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

shaayad mujhe kisi se mohabbat nahin hui lekin yaqeen sab ko dilaata raha hooñ main

saza kitnii badi hai gaav se baahar nikalne ki main miTTi goondhta tha ab double-roti banata hooñ

na jaane kaisi mahak aa rahi hai bastii se vahii jo doodh ubalne ke baad aati hai

qasam deta hai bacchon ki bahaane se bulaata hai dhuaan chimni ka hamko kaarkhaane se bulaata hai

kabhi chaahat pe shak karte hue ye bhi nahin socha tumhaare saath kyuuñ rahte agar achha nahin lagta

ab aapki marji hai sambhalen na sambhalen khushboo ki tarah aap ke roomaal men ham hain