bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

meri tanhaaii dekhenge to hairat hi karenge log mohabbat chhod denge ya mohabbat hi karenge log

dhoop men niklo ghataon men naha kar dekho zindagi kya hai kitaabon ko hata kar dekho

kisne dastak dii ye dil par kaun hai aap to andar hain baahar kaun hai

KHud-ba-KHud shaakh lachak jaayegi phal se bharpoor to ho lene do

KHvaahish sukhaane rakkhi thii kothe pe dopahar ab shaam ho chali miyaan dekho kidhar gaii

darwaaza khatkhataa ke sitaare chale ga.e KHvaabon ki shaal odh ke main unghta raha

tu kis ke kamre men thii main tere kamre men tha

mujhe pasand nahin aise kaarobaar men hooñ ye jabr hai ki main KHud apne ikhtiyaar men hooñ