ye hijraton ka zamaana bhi kya zamaana hai unhin se door hain jin ke li.e kamaana hai

zindagi cheen le bakshi hui daulat apni tu ne KHvaabon ke siva mujh ko diya bhi kya hai

himmat taakat pyaar bharosa jo hai sab insey hi hai kuchh number hain jin par maine akshar phone lagaaya hai

koi haseen badan jin ki dastaras men nahin yahii kaheinge ki kuchh faaeda havas men nahin

yahaañ mazboot se mazboot loha toot jaata hai kaii jhoote ikatthe hon to saccha toot jaata hai

ek teraa hi tabassum to na tha wajh-e-sukoon mere aañsu bhi mohabbat men bahut kaam aa.e

dil ek aur hazaar aazmaishen gham kii diya jala to tha lekin hawa kii zad par tha

ye lamha lamha zinda rahne kii KHvaahish ka haasil hai ki lahza lahza apne aap hi men mar raha hooñ main

ham ko ik umr na jeene ka saleeqa aaya ham ne ik umr tamannaon ke dhoke khaaye