ye shahar-e-ajnabi men ab kise ja kar bataayen ham kahaan ke rahne waale hain kahaan ki yaad aati hai

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

dabii kuchali hui sab khwaahishon ke sar nikal aa.e zaraa paisa hua to chyuntiyon ke par nikal aa.e abhii udte nahin to faakhta ke saath hain bacche akela chhod denge maa ko jis din par nikal aa.e

chup rahte hain chup rahne do raaz batao khole kya baat wafa ki tum karti ho bolo ham kuchh bole kya ulfat to afsaana hai tum karti khoob siyaasat ho ham bhi hain maqbool bahut ab bol kisi ke holen kya

dil ek aur hazaar aazmaishen gham kii diya jala to tha lekin hawa kii zad par tha

ek teraa hi tabassum to na tha wajh-e-sukoon mere aañsu bhi mohabbat men bahut kaam aa.e

ham ko ik umr na jeene ka saleeqa aaya ham ne ik umr tamannaon ke dhoke khaaye

jin jhoote sacche KHvaabon kii ta'beer gham-e-tanhaai hai un jhoote sacche KHvaabon se tum kab tak dil bahlaaoge