kaam aaya tiranga kafan ke li.e koii qurbaan hua tha watan ke li.e socho kya kar liya tumne jee kar ke dost nas bhi kaatee to bas ik badan ke li.e

khoobsurat ye mohabbat men saza dii usne phir gale milke meri umr badha dii usne

kaun-si baat kahaan kaise kahii jaati hai ye saleeqa ho to har baat sooni jaati hai ek bigdi hui aulaad bhala kya jaane kaise maa-baap ke honthon se hañsi jaati hai

phone bhi aaya to shikwe ke li.e phool bhi bheja to murjhaya hua raaste ki mushkilein to jaan luun aata hogaa uskaa thukraaya hua

sochun to saari umr mohabbat men kat gaii dekhooñ to ek shaKHs bhi meraa nahin hua

ek teraa hi tabassum to na tha wajh-e-sukoon mere aañsu bhi mohabbat men bahut kaam aa.e

ye lamha lamha zinda rahne kii KHvaahish ka haasil hai ki lahza lahza apne aap hi men mar raha hooñ main

dil ek aur hazaar aazmaishen gham kii diya jala to tha lekin hawa kii zad par tha

jin jhoote sacche KHvaabon kii ta'beer gham-e-tanhaai hai un jhoote sacche KHvaabon se tum kab tak dil bahlaaoge