koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

teri soorat se hai aalam men bahaaron ko sabaat teri aankhoñ ke siva duniya men rakha kya hai

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

yahii hai zindagi to zindagi se KHud-kushi achchhii ki insaan aalam-e-insaaniyat par baar ho jaa.e

jahl-e-khird ne din ye dikhaaye ghat ga.e insaan badh ga.e saa.e

humeen jab na honge to kya rang-e-mahfil kise dekh kar aap sharmaaiega

jo toofaanon men palte ja rahe hain vahii duniya badalte ja rahe hain

tire jamaal ki tasveer kheench doon lekin zabaan men aankh nahin aankh men zabaan nahin