padi rahne do insaano ki laashen zameen ka bojh halka kyun karen ham

gale milnaa na milnaa to teri marzi hai lekin tere chehre se lagta hai teraa dil kar raha hai

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

us ke honton pe rakh ke hont apne baat hi ham tamaam kar rahe hain

meraa qaateel hi meraa munsif hai kya mire haq men faisla dega

ajab andaaz se ye ghar giraa hai mira malba mire u uupar giraa hai

yaad hai aanis pahle tum KHud bikhre the aaiine ne tum se bikhrna seekha tha

mere apne andar ek bhanwar tha jis men meraa sab kuchh saath hi mere doob gaya hai

kyun khul ga.e logon pe mirii zaat ke asraar ai kaash ki hoti mirii gehraai zaraa aur

goonjtaa hai badan men sannaata koi khaali makaan ho jaise