main zindagi men aaj pahli baar ghar nahin gaya magar tamaam raat dil se maa ka dar nahin gaya bas ek dukh jo mere dil se umr bhar na jaayega us..ko kisi ke saath dekh kar main mar nahin gaya

uski tasveerein hain dilkash to hongi jaisi deewarein hain waisa saaya hai ek main hooñ jo tere qatl kii koshish men tha ek tu hai jo jail men khaana laaya hai

kisne dastak dii ye dil par kaun hai aap to andar hain baahar kaun hai

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

ye jo ham takhleeq-e-jahaan-e-nau men lage hain paagal hain door se ham ko dekhne waale haath bata ham logon ka

sehar ki aas lagaaye hue hain vo ki jinhen kamaan ae shab se chale teer ki khabar bhi nahin

shab bhar ik awaaz banaai subh hui to cheekh pade roz ka ik maamool hai ab to khwaab-zada ham logon ka

ye aag vaag ka dariyaa to khel tha hamko jo sach kahein to badaa imtihaan aañsu hain

vo ek din jo tujhe sochne men guzra tha tamaam umr usii din ki tarjumaani hai