tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

use kisi se mohabbat thii aur vo main nahin tha ye baat mujhse zyaada use rulaati thii

sochun to saari umr mohabbat men kat gaii dekhooñ to ek shaKHs bhi meraa nahin hua

khoobsurat ye mohabbat men saza dii usne phir gale milke meri umr badha dii usne

zindagi hai ya koi toofaan hai ham to is jeene ke haathon mar chale

baazi badi thii usne mere chashme-tar ke saath aakhir ko haar haar ke barsaat rah gayi

tar-daamani pe shaikh hamaari na jaaiyo daaman nichod den to farishte wazu karen

sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

main jaata hooñ dil ko tire paas chhode mirii yaad tujh ko dilaata rahega