maana ki teri deed ke qaabil nahin hooñ main tu miraa shauq dekh miraa intizaar dekh

meri tanhaaii dekhenge to hairat hi karenge log mohabbat chhod denge ya mohabbat hi karenge log

gale to lagana hai us se kaho abhii lag jaa.e yahii na ho meraa us ke baghair jee lag jaa.e main aa raha hooñ tere paas ye na ho ki kahii teraa mazaak ho aur meri zindagi lag jaa.e

dabii kuchali hui sab khwaahishon ke sar nikal aa.e zaraa paisa hua to chyuntiyon ke par nikal aa.e abhii udte nahin to faakhta ke saath hain bacche akela chhod denge maa ko jis din par nikal aa.e

adakaar ke kuchh bhi bas ka nahin hai mohabbat hai ye koi drama nahin hai jise teri aañkhen bataati hain rastaa vo raahi kahii bhi pahunchta nahin hai

tum jo hansati ho to mastaana kanwal lagti ho meer ka she'r ho ghalib kii ghazal lagti ho sang-e-marmar se tarasha hua shaffaaf badan saans leta hua ik taajmahal lagti ho

kis vaaste likkha hai hatheli pe mira naam main harf-e-ghalat hooñ to mita kyun nahin dete

ye kis ne kaha hai mirii taqdeer banaa de aa apne hi haathon se mitaane ke li.e aa

deewaar hai duniya ise raahon se hata de har rasm-e-mohabbat ko mitaane ke li.e aa

jab pyaar nahin hai to bhula kyun nahin dete khat kis li.e rakhe hain jala kyun nahin dete