tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

us..ko fursat nahin milti ki palat kar dekhe ham hi deewane hain deewane bane rahte hain

na-ummee dii badh gaii hai is qadar aarzoo kii aarzoo hone lagii

vaa'da jhoota kar liya chaliye tasalli ho gaii hai zaraa sii baat khush karna dil-e-naashaad ka

faqat nabz se haal zaahir na hogaa meraa dil bhi ai chaara-gar dekh lena

milaate ho usii ko khaak men jo dil se milta hai meri jaañ chaahne vaala badi mushkil se milta hai

haath rakh kar jo vo pooche dil-e-betaab ka haal ho bhi aaraam to kah doon mujhe aaraam nahin