tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ham vo hain jo KHuda ko bhool ga.e tum meri jaan kis gumaan men ho

duniya waalon ne to poori koshish ki thukraane ki lekin apni jidd men hamne KHud ko manvaa rakha hai

kisi ke ishq men barbaad hona ha men aaya nahin farhaad hona

kitnii ujlat men mita daala gaya aag men sab kuchh jala daala gaya

baat karne ka haseen taur-tareeqa seekha ham ne urdu ke bahaane se saleeqa seekha