tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

hamaare baad tere ishq men naye ladke badan to choomenge zulfen nahin sanvaarenge

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

kitnii ujlat men mita daala gaya aag men sab kuchh jala daala gaya

baat karne ka haseen taur-tareeqa seekha ham ne urdu ke bahaane se saleeqa seekha

duniya waalon ne to poori koshish ki thukraane ki lekin apni jidd men hamne KHud ko manvaa rakha hai

kisi bhi shay pe aa jaane men kitnii der lagti hai magar phir dil ko samjhaane men kitnii der lagti hai zaraa sa vaqt lagta hai kahii se uth ke jaane men magar phir laut kar aane men kitnii der lagti hai