tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

shaayad mujhe kisi se mohabbat nahin hui lekin yaqeen sab ko dilaata raha hooñ main

ye alag baat ki KHaamosh khade rahte hain phir bhi jo log bade hain vo bade rahte hain

kisi ko ghar se nikalte hi mil gaii manzil koi hamaari tarah umr bhar safar men raha

sab aasaan hua jaata hai mushkil vaqt to ab aaya hai

phir tumhaare barabar khada shaKHs kuchh is tarah se hansa jaise tumne bataaya ho us ko hai ye bhi deewaana meraa

teri baaton men yoon bhi aa gaya main bhatkne ka bahut dil kar raha tha

us dhoke ne tod diya hai itnaa mujh ko ab kuchh bhi samjha letii hai duniya mujh ko

baith kar baat ki aur juda ho ga.e koi shikwa nahin koi jhagda nahin