bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

kore kaagaz par ro rahe ho tum main to samjha padhe likhe ho tum kya kaha mujhse door jaana hai iska matlab hai ja chuke ho tum

main kya kahooñ ke mujhe sabr kyun nahin aata main kya karoon ke tujhe dekhne ki aadat hai

KHud bulao ke vo yuñ ghar se nahin niklega yahaañ inaam muqaddar se nahin niklega aise mausam men bina kaam ke aaya hua shaKHs itni jal dii tere daftar se nahin niklega

nataaej jab sar-e-mahshar milenge mohabbat ke alag number milenge tumhaari mezbaani ke bahaane koi din ham bhi apne ghar milenge

jo zaraa theek se kirdaar nigaari ho jaa.e ye kahaanii to haqeeqat pe bhi taari ho jaa.e tere haami hai so uth kar bhi nahin ja sakte jaane kis vaqt yahaañ raay-shumaari ho jaa.e

zakham ki izzat karte hain der se patti kholenge chehra padhne waale chor gathri thodii kholenge

yuñ na kar vasl ke lamhon ko havas se taabeer chand patte hi to tode hain shajar se main ne