bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

aur ab duniya meri tanhaaii men deti hai dakhl main bhi patthar fenkta rehta tha thehri jheel par

tumhaari shakl kisi shakl se milaate hue main kho gaya hooñ naya raasta banaate hue

gham men ham soorat-e-gamkhaar nahin padhte hain isliye meer ke ash'aar nahin padhte hain meri aañkhen teri tasveer se ja lagti hain subh uthkar sabhi akhbaar nahin padhte hain

kuchh waqt ne toda hai bharam aur kuchh usne main to ye samajhta tha koii baat hai mujh men

saath men tu mere do gaam to chal saka hai itnaa chalne se meraa kaam to chal saka hai tere dil men kisi shayar ki jagah to hogii is ilaake men meraa naam to chal saka hai