kuchh na kuchh bolte raho hamse chup rahoge to log sun lenge

main kya kahooñ ke mujhe sabr kyun nahin aata main kya karoon ke tujhe dekhne ki aadat hai

KHud se bhi mil na sako itne paas mat hona ishq to karna magar devdaas mat hona dekhna chaahna phir maangna ya kho dena ye saare khel hain in men udaas mat hona

itni milti hai mirii ghazalon se soorat teri log tujh ko mira mahboob samjhte honge

sabhi ka KHoon hai shaamil yahaañ ki miTTi men kisi ke baap ka hindustan thodii hai

kaun si ja hai jahaan jalwa-e-maashooq nahin shauq-e-deedaar. agar hai to nazar paida kar

ai zabt dekh ishq kii un ko khabar na ho dil men hazaar dard uthe aankh tar na ho

vasl ka din aur itnaa mukhtasar din gine jaate the is din ke li.e

hañs ke farmaate hain vo dekh ke haalat meri kyun tum aasaan samjhte the mohabbat meri

teer par teer lagao tumhein dar kis ka hai seena kis ka hai mirii jaan jigar kis ka hai