vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

maana ki teri deed ke qaabil nahin hooñ main tu miraa shauq dekh miraa intizaar dekh

gulaab KHvaab davaa zahar jaam kya kya hai main aa gaya hooñ bataa intizaam kya kya hai

muddaton baad ik shaKHs se milne ke li.e aaina dekha gaya baal sanwaare ga.e

raatein kisi yaad men kattee hain aur din daftar kha jaata hai dil jeene par mael hota hai to maut ka dar kha jaata hai sach poochho to tahzeeb haafi main aise dost se aaziz hooñ milta hai to baat nahin karta aur phone pe sar kha jaata hai

ye jo duniya hai ise itni ijaazat kab hai ham pe apni hi kisi baat ka ghussa utara

ye jo ham takhleeq-e-jahaan-e-nau men lage hain paagal hain door se ham ko dekhne waale haath bata ham logon ka

ye aag vaag ka dariyaa to khel tha hamko jo sach kahein to badaa imtihaan aañsu hain

ye imtiyaaz zaroori hai ab ibadat men vahii dua jo nazar kar rahi hai lab bhi karen

us se kehna ki dhuaan dekhne laayeq hogaa aag pahne hue main jaaunga paani ki taraf