tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

bichhad jaayenge ham dono zameen par ye us ne aasmaañ par likh diya hai

vo kabhi aaghaaz kar sakte nahin khauf lagta hai jinhen anjaam se

tire ehsaas men dooba hua main kabhi sehra kabhi dariyaa hua main

jahaan waalon se kah do yahaañ se hat jaayen KHuda ke aur mere darmiyaañ se hat jaayen

main achha hooñ tabhi apna rahi ho koi mujh se bhi achha mil gaya to