khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

makaan hai qabr jise log KHud banaate hain main apne ghar men hooñ ya main kisi mazaar men hooñ

mohabbat ab nahin hogii ye kuchh din baad men hogii guzar jaayenge jab ye din ye un kii yaad men hogii

KHvaab hote hain dekhne ke li.e un men ja kar magar raha na karo

mahak uthe rang-e-surkh jaise khile chaman men gulaab itne

ham bhi muneer ab duniyaadaari kar ke vaqt guzaarenge hote hote jeene ke bhi laakh bahaane aa jaate hain