apne men'yaar se neeche to main aane se raha she'r bhookha hooñ magar ghaas to khaane se raha

shaayad mujhe kisi se mohabbat nahin hui lekin yaqeen sab ko dilaata raha hooñ main

kabhi to chaunk ke dekhe koi hamaari taraf kisi ki aankh men ham ko bhi intizaar dikhe

sab intzaar men the kab koi zabaan khule phir uske hont khule aur sabke kaan khule

maut ka bhi ilaaj ho shaayad zindagi ka koi ilaaj nahin

ummeed ke vaadon se jee kuchh to bahalta tha ab ye bhi tere gham ko manzoor nahin hote

na-ummee dii maut se kahti hai apna kaam kar aas kahti hai thehar khat ka javaab aane ko hai

na ibtida ki khabar hai na intiha maaloom raha ye vaham ki ham hain so vo bhi kya maaloom

ab na kaanton hi se kuchh laag na phoolon se lagao ham ne dekha hai tamasha teri raa'naai ka

ik muamma hai samajhne ka na samjhaane ka zindagi kahe ko hai KHvaab hai deewane ka