tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

kisi ko ghar se nikalte hi mil gaii manzil koi hamaari tarah umr bhar safar men raha

ham vo hain jo KHuda ko bhool ga.e tum meri jaan kis gumaan men ho

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

nazar men rakhna kahii koi gham shanaas gaahak mujhe sukhun bechna hai kharcha nikaalna hai

pata tha us se bichhadte hi dost gherenge vahii hua mujhe ranj-o-alam ne gher liya

shab basar karne hai mahfooz thikaana hai koii koii jungle hai yahaañ paas men sehra hai koii

main ne mehnat se hatheli pe lakeeren kheenchin vo jinhen kaatib-e-taqdeer nahin kheench sakaa

main kis se poochoon ye rastaa durust hai ki galat jahaan se koi guzarta nahin vahaañ hooñ main