Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

mere naam se kya matlab hai tumhein mit jaayega ya rah jaata hai jab tum ne hi saath nahin rahna phir peeche kya rah jaata hai mere paas aane tak aur kisi ki yaad use kha jaati hai vo mujh tak kam hi pahunchta hai kisi aur jagah rah jaata hai

tamaam umr akelaa men tujh se baatein keen tamaam umr tere roo-b-roo khamosh rahe

kabhi apni aankh se zindagi pe nazar na kii vahii zaaviye ki jo aam the mujhe kha ga.e

aasaan to nahin apni hasti se guzar jaana utara jo samundar men dariyaa to bahut roya

jin logon men rehta hooñ main un men se nahin hooñ hooñ kaun mujhe apna zamaana nahin milta

kab nikalta hai koii dil men utar jaane ke baad is gali kii doosri jaanib koii rastaa nahin