mas'ala ye nahin ki ishq hua hai ham ko mas'ala ye hai ki izhaar kiya jaana hai

ham vo hain jo KHuda ko bhool ga.e tum meri jaan kis gumaan men ho

gham-e-furqat ka shikwa karne waali meri maujoodgi men so rahi hai

meri duniya ujad gaii is men tum ise haadsa samjhte ho aakhiri raasta to baaki hai aakhiri raasta samjhte ho

husn bala ka kaatil ho par aakhir ko bechaara hai ishq to vo kaatil jisne apnon ko bhi maara hai ye dhoke deta aaya hai dil ko bhi duniya ko bhi iske chhal ne khaar kiya hai sehra men leila ko bhi

mila tha jis bageeche men vo ab shamshaan lagta hai muhabbat ne ye kaise din dikhaaye hain muhabbat men

hai jannat men saari hi nemat KHuda ki mujhe bhi batao ye jannat kahaan hai

tere dil ki ik ye bastii pahle us ik raja ki thii jisne tere naam par jangen bhi be-andaaza ki thii

mere watan ko in siyaasi logon ne hi kha liya khabar men ab khabar kahaan vahii do-chaar rahte hain

vo shayar mar gaya ik din ali jiska sahaara tha