maine bas itnaa poocha tha kya dekhte ho bhala maine ye kab kaha tha mujhe dekhna chhod do geeli miTTi ki khushboo mujhe sone deti nahin mere baalon men tum ungaliyaan pherna chhod do

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

kuchh na rah sakaa jahaan viraaniyaan to rah gaiin tum chale ga.e to kya kahaaniyaan to rah gaiin

chale jaao bhi ab jee lenge par sach kaho majboori hai kya mujhe ye kahaanii kuchh aur likhni thii tumhaare hisaab se poori hai kya

pooch lete vo bas mizaaj mira kitna aasaan tha ilaaj mira

kaun si ja hai jahaan jalwa-e-maashooq nahin shauq-e-deedaar. agar hai to nazar paida kar

ai zabt dekh ishq kii un ko khabar na ho dil men hazaar dard uthe aankh tar na ho

shab-e-visaal bahut kam hai aasmaañ se kaho ki jod de koi tukda shab-e-judaai ka

putliyaan tak bhi to phir jaati hain dekho dam-e-naz'a vaqt padta hai to sab aankh chura jaate hain

teer khaane ki havas hai to jigar paida kar sarfaroshi ki tamannaa hai to sar paida kar