hazaaron saal nargis apni be-noori pe roti hai badi mushkil se hota hai chaman men deeda-war paida

aankh ho band to vo apna hai aankh khul jaa.e to vo sapna hai vo mile ya nahin mile hamko umr bhar uskaa naam japna hai

bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

ye soch ke maa baap ki khidmat men laga hooñ is ped ka saaya mire bacchon ko milega

dukh apna agar ham ko bataana nahin aata tum ko bhi to andaaza lagana nahin aata

jahaan men hone ko ai dost yuuñ to sab hogaa tere labon pe mere lab hon aisa kab hogaa

tamaam umr ka hisaab maangti hai zindagi ye meraa dil kahe to kya ki khud se sharmasaar hai

na khush-gumaan ho is par tu ai dil-e-saada sabhi ko dekh ke vo shaKHs muskurata hai

shadeed pyaas thii phir bhi chhua na paani ko main dekhta raha dariyaa tiri ravaani ko

hai aaj ye gilaa ki akela hai shehryaar tarsoge kal hujoom men tanhaaii ke li.e