koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

sochun to saari umr mohabbat men kat gaii dekhooñ to ek shaKHs bhi meraa nahin hua

manaa karte use the jo vahii vo kar dikhaati thii main suraj ko ugaata tha vo raatein kheench laati thii abhii bhi tum men zinda hai vahii bebaak sii ladki zamaane ke usoolon pe jo khul ke muskuraati thii

likhi thii jo tumhein benaam sii vo chitthiyan hain kahiin thodii shikaayat hai kahiin kuchh arziyaan hain tumhaare baad dil men yaad thehri aur ghar men jale filter rakhe hain aur thodii teeliyaan hain

nibhaaogi jo tum vaa'da karogi wafa ka ya kahiin sauda karogi jise tum dhoondhti rahtii ho mujh men mila vo ghair men to kya karogi

abhii ke zakhm khaali jeb ke hain mohabbat to puraana haadsa thii

ishq panpega to phir ashkon kii hongi baarishen ped lagne par kabhi sookhi zameen rahtii nahin