bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

maana ki teri deed ke qaabil nahin hooñ main tu miraa shauq dekh miraa intizaar dekh

koi shahar tha jiski ek gali meri har aahat pahchaanti thii mere naam ka ik darwaaza tha ik khidki mujh...ko jaanti thii

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ye zindagi kuchh is tarah se paas mere aayi hai ab to amit keval yahaañ tanhaaii hi tanhaaii hai

main theek hooñ ye jhooth kab tak bola jaa.e koi naya sa jhooth bhi to khoja jaa.e

kaash aisa shaKHs aa.e zindagi men baat apne dil ki jisse kar sakoon main

main pyaasa ghat panghat ka hooñ jeevan bhar dar-dar bhatka hooñ taara hooñ kuchh ki aankhoñ ka kuchh ki aankhoñ men khatka hooñ

ye ta'aqub men faqat ahl-e-hawas hain pyaare ye bharam chhod ki ushshaq bahut hain mere