shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

ishq men dhokha khaane waale bilkul bhi mayus na ho is raaste men thoda aage maikhaana bhi aata hai

zabt karo gar gham ke baadal chhaaye hain raqs karo ke baarish aane waali hai

ghar aate aate saudaagar ho jaaun itnaa bhi bazaar nahin dekhoonga main

ishq hamaara chaand sitaare choo lega ghutnon par aakar izhaar kiya hamne

maheenon tak raha karte the sab mehmaan aankhoñ men magar ab khwaab bhi aate nahin veeraan aankhoñ men zamaan e hijr kehne ko rivaaz e ishq hi to hai magar kya kya nahin hota hai is dauraan aankhoñ men