tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

hamko dil se bhi nikala gaya phir shahar se bhi hamko patthar se bhi maara gaya phir zehar se bhi

kisi gali men kiraye pe ghar liya usne phir us gali men gharo ke kiraye badhne lage

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

hai kisko dastiyaab bhala gham-shanaas shaKHs murjhaaye phool par kabhi bhanwara na aayega

kitnii sacchi saza mili jhoothi qasmen khaane par

chalo maana KHuda hona bahut dushwaar hai lekin agarche sakht mushkil hai mahaj insaan hona bhi

parinda ghar na ud sake nahin sahi qafas ko tod ke mare KHuda kare

aashnaa kirdaar uskaa zehan pe yuñ naqsh tha rang kaaghaz par gire to KHud ayaan hote ga.e