tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

na haath aage karoon saamne sivaae terena itnaa dena ki mujh...ko ghuroor aa jaa.e

tasveer ik jala ke bujhaata raha hooñ main uske hi paas laut ke jaata raha hooñ main ye na-tamaam KHvaab haqeeqat hon kis tarah har pal to apni neend udaata raha hooñ main

jo log vaqt ke chalte yahaañ badalte nahin vo gir ke uthte hai lekin kabhi sambhalte nahin main ek tarafaa muhabbat ki kya misaalen doon ye log aag pe chalte hain aur jalte nahin

tanhaaii ho hijr ho baatein karne ko tarse ye dil ishq hua vo jis men ye haalaat musalsal rahte hon

saath uske ik naya rishta nibhaane ke li.e yaad rakkhenge use lekin bhulaane ke li.e