KHud ko itnaa bhi mat bachaaya kar baarishen hon to bheeg jaaya kar kaam le kuchh haseen hothon se baaton baaton men muskuraya kar

vo kisi ke saath KHush tha kitne dukh ki baat thii ab mere pahluu men aa kar ro raha hai KHush hooñ main

kisi gali men kiraye pe ghar liya usne phir us gali men gharo ke kiraye badhne lage

ye mujhe chain kyun nahin padta ek hi shaKHs tha jahaan men kya

le de ke apne paas faqat ik nazar to hai kyun dekhen zindagi ko kisi ki nazar se ham

yahii hai zindagi to zindagi se KHud-kushi achchhii ki insaan aalam-e-insaaniyat par baar ho jaa.e

jahl-e-khird ne din ye dikhaaye ghat ga.e insaan badh ga.e saa.e

jo un pe guzarti hai kis ne use jaana hai apni hi museebat hai apna hi fasana hai

humeen jab na honge to kya rang-e-mahfil kise dekh kar aap sharmaaiega

vahii hai zindagi lekin jigar ye haal hai apna ki jaise zindagi se zindagi kam hoti jaati hai