koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

zindagi ka har varq ba-shauq padiye ye kitaab ik roz lautaani bhi to hai

vo munsif hai meraa jo qaateel hai jaañ ka mere haq men vo faisla kya karega

zindagi men mere us ne andhera kiya aur us..ko sabhi raushni kahte the

ummeed to thii ki din badlenge apne kabhi din aise badle ki ab ummeed tak bhi nahin

udaasi bhi to ik vrat hi hai vo bhi aisa vrat ki hañs lene se bhi jo tootne vaala nahin