uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

footne waali hai mazdoor ke maathe se kiran surkh parcham ufuk-e-subh pe lehraate hain

nigaahen fer li ghabra ke maine vo tum se khoobsurat lag rahi thii

main tujhe kho ke bhi zinda hooñ ye dekha tune kis qadar hausla haare hue insaan men hai

sab kuchh to hai kya dhundti rahtii hain nigaahen kya baat hai main vaqt pe ghar kyun nahin jaata

kis kaam ki aisi sachchaai jo tod de ummeedein dil ki thodii si tasalli ho to gaii maana ki vo bol ke jhooth gaya

mohabbat wahin tak hai sacchi mohabbat jahaan tak koi ahad-o-paimaan nahin hai

aarzoo jaam lo jhijak kaisi pee lo aur dahshat-e-gunaah gaii

had se takraati hai jo shay vo palatti hai zaroor KHud bhi roenge gharibon ko rulaane waale

jo dil rakhte hain seene men vo kaafir ho nahin sakte mohabbat deen hoti hai vafaa eimaan hoti hai