zyaadati har baat kii har cheez kii achchhii nahin doobte shehron men kuchh barsaat rakhkar dekhiye

hazaar barq gire laakh aandhiyaan utthen vo phool khil ke rahenge jo khilne waale hain

hazaaron mannaton par bhi koi bosa nahin milta kisi soorat men us kanjoos ke batue nahin khulte

bhej deta hooñ magar pahle bataa doon tujh ko mujh se milta nahin koi mirii tasveer ke baad

itni milti hai mirii ghazalon se soorat teri log tujh ko mira mahboob samjhte honge

nikale ga.e is ke ma'ni hazaar ajab cheez thii ik meri khaamushi

suna raha hooñ unhen jhoot-moot ik qissa ki ek shakhs mohabbat men kaamyaab raha

Teri vafaa men mili aarzu e maut mujhe

tiri sadaa ka hai sadiyon se intizaar mujhe mire lahu ke samundar zaraa pukaar mujhe

duniya bhar ki raam-kahaani kis kis dhang se kah daali apni kehne jab baithe to ek ek lafz pighlata tha