tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

main agar apni jawaani ke suna doon qisse ye jo launde hain mere paanv dabane lag jaa.e

tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

naksha utha ke aur koi shahar dekhiye is shahar men to sab se mulaqaat ho gaii

koi hindu koi muslim koi eesaai hai sab ne insaan na banne ki qasam khaai hai

zindagi ka muqaddar safar-dar-safar aakhiri saans tak be-qaraar aadmi

ghee misri bhi bhej kabhi akhbaaron men kaii dinon se chaai hai kadvi ya allah

har aadmi men hote hain das bees aadmi jis ko bhi dekhna ho kaii baar dekhna