khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

main qissa mukhtasar kar ke zaraa neechi nazar kar ke ye kahtaa hooñ abhii tum se mohabbat ho gaii tum se

mujhe pahle pehal lagta tha zaati mas'ala hai main phir samjha mohabbat qaaynaati mas'ala hai parinde qaid hain tum chahchahaahat chahte ho tumhein to achha khaasa nafsyaati mas'ala hai

man men ek iraada hota hai taabish raja pahle pyaada hota hai taabish maanta hooñ majbooriyaan theen kuchh dikkat thii par vaa'da to vaa'da hota hai taabish

hai kuchh aisa ki jaise ye sab kuchh is se pahle bhi ho chuka hai kahii

har shaKHs par kiya na karo itnaa e'timaad har saaya-daar shay ko shajar mat kaha karo

watan kii ret zaraa ediyaan ragadne de mujhe yaqeen hai ki paani yahiin se niklega

kuchh na kehne se bhi chhin jaata hai ejaz-e-sukhan zulm sahne se bhi zalim kii madad hoti hai

zindagi tujh se har ik saans pe samjhauta karoon shauq jeene ka hai mujh ko magar itnaa bhi nahin