bheegin palken dekh kar tu kyun ruka hai KHush hooñ main vo to meri aankh men kuchh aa gaya hai KHush hooñ main vo kisi ke saath KHush tha kitne dukkh ki baat thii ab mere pahluu men aa kar ro raha hai KHush hooñ main

itni milti hai mirii ghazalon se soorat teri log tujh ko mira mahboob samjhte honge

ye mujhe chain kyun nahin padta ek hi shaKHs tha jahaan men kya

shaakhon se toot jaayen vo patte nahin hain ham aandhi se koi kah de ki auqaat men rahe

tere lagaye hue zakhm kyun nahin bharte mere lagaye hue ped sookh jaate hain

ye taaeron ki qataarein kidhar ko jaati hainna koi daam bichha hai kahii na daana hai

parind ped se parvaaz karte jaate hain ki bastiyon ka muqaddar badalta jaata hai

parind kyun mirii shaakhon se khauf khaate hain ki ik darakht hooñ aur saaya-daar main bhi hooñ

dekhne ke li.e saara aalam bhi kam chaahne ke li.e ek chehra bahut