milne ki tarah mujhse vo pal bhar nahin milta dil us se mila jisse muqaddar nahin milta

ab usse dosti hai jisse kal muhabbat thii ab isse zyaada bura vaqt kuchh nahin hai dost

main tumhein badduaen deta hooñ taaki tum meraa dard jaan sako tum jise chahte ho mar jaa.e aur tum uske baad zinda raho

vo mujh ko chhod ke jis aadmi ke paas gaya baraabari ka bhi hota to sabr aa jaata

bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

maqtal-e-shauq ke aadaab niraale hain bahut dil bhi qaateel ko diya karte hain sar se pahle

shab ke sannaate men ye kis ka lahu gaata hai sarhad-e-dard se ye kis ki sadaa aati hai

kaam ab koi na aayega bas ik dil ke siva raaste band hain sab koocha-e-qaatil ke siva

purane saal ki thithuri hui parchaaiyaan simteen naye din ka naya suraj ufuq par uthata aata hai

isee duniya men dikha den tumhein jannat ki bahaar shaikh jee tum bhi zaraa koo-e-butaan tak aao