shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

sochun to saari umr mohabbat men kat gaii dekhooñ to ek shaKHs bhi meraa nahin hua

partav se jis ke aalam-e-imkaan bahaar hai vo nau-bahaar-e-naaz abhii raahguzaar men hai

maqtal-e-shauq ke aadaab niraale hain bahut dil bhi qaateel ko diya karte hain sar se pahle

ye teraa gulistaan teraa chaman kab meri nava ke qaabil hai naghma mira apne daaman men aap apna gulistaan laata hai

shikaayaten bhi bahut hain hikaayaten bhi bahut mazaa to jab hai ki yaaron ke roo-b-roo kahiye

isee li.e to hai zindaan ko justuju meri ki muflisi ko sikhaai hai sar-kashi main ne