unke gesu khulen to yaar bane baat meri ik rabar band ne jakadi hui hai raat meri

meri tanhaaii dekhenge to hairat hi karenge log mohabbat chhod denge ya mohabbat hi karenge log

zindagi bhar ke li.e dil pe nishaani pad jaa.e baat aisi na likho likh ke mitaani pad jaa.e

titli se dosti na gulaabon ka shauq hai meri tarah use bhi kitaabon ka shauq hai

bheegin palken dekh kar tu kyun ruka hai KHush hooñ main vo to meri aankh men kuchh aa gaya hai KHush hooñ main vo kisi ke saath KHush tha kitne dukkh ki baat thii ab mere pahluu men aa kar ro raha hai KHush hooñ main

partav se jis ke aalam-e-imkaan bahaar hai vo nau-bahaar-e-naaz abhii raahguzaar men hai

maqtal-e-shauq ke aadaab niraale hain bahut dil bhi qaateel ko diya karte hain sar se pahle

ye teraa gulistaan teraa chaman kab meri nava ke qaabil hai naghma mira apne daaman men aap apna gulistaan laata hai

pyaas jahaan ki ek biyaabaan teri sakhaawat shabnam hai pee ke utha jo bazm se teri aur bhi tishna-kaam utha

purane saal ki thithuri hui parchaaiyaan simteen naye din ka naya suraj ufuq par uthata aata hai